Que facemos >  

Proyecto Xeitos de Ver

  • Proxecto destinado a persoas que están cumprindo unha condena en réxime de semiliberdade

O proxecto Xeitos de Ver está destinado a persoas que están a cumprir unha condena en réxime de semiliberdade.


Na primeira edición (2019) traballamos a socialización de xénero, as desigualdades e discriminacións vixentes, observando de primeira man a nosa realidade e comprobando que aínda está vixente o patriarcado.


Na segunda edición (2020) traballamos a análise de xénero, comprobando como a inexistencia dunha igualdade real provoca que ante determinadas situacións o impacto sobre homes e mulleres sexa diferente, e recoñecendo as consecuencias das desigualdades e discriminacións vixentes.


Este ano Xeitos de Ver ten a finalidade de sensibilizar acerca dos estereotipos de xénero e as situacións de desigualdade e violencia existentes na sociedade. E activar ás persoas participantes como axentes do cambio con respecto a estas situacións, observando de primeira man a realidade, e comprobando que aínda vivimos nun sistema patriarcal, que no día a día reprodúcense roles e estereotipos de xénero, e que por tanto segue vixente o machismo.


Este proxecto tamén lles permite as persoas participantes adquirir de forma transversal ferramentas que faciliten o proceso cara a liberdade total, tanto por aproximalas ás problemáticas e circunstancias da vida diaria, como achegándolles recursos comunicativos e tecnolóxicos que serán de utilidade na procura laboral.


O proxecto consta de dúas partes, unha formativa e outra divulgativa, sendo o eixo vertebrador a sensibilización en igualdade de xénero. A parte formativa inclúe módulos de xénero, comunicación e medios audiovisuais. En canto á parte divulgativa, na primeira edición consistiu nunha mostra fotográfica, na segunda, nun vídeo-reportaxe, e nesta, unha infografía e vídeo-reportaxe con entrevistas, que se divulgarán en redes sociais.


Esta actividade está subvencionada polo Concello da Coruña, na convocatoria específica para a concesión de subvencións destinadas a actividades de interese social en materia de igualdade e diversidade 2021.

 

Logo do Concello da Coruña

MATERIAIS RELACIONADOS
Documentos

Vídeos

Imaxes
  • 1 de 1

  • SEDE PRINCIPALVIGO

    Avda. Martinez Garrido 21, interior
    36205 Vigo (Pontevedra)
     

    986 253 176

  • CALOR-CAFÉ A CORUÑA

    Barrio de las Flores
    Rúa Azahar bloque 48, portal 10-baixo
    15008 A Coruña

    881 896 801

  • O desenvolvemento desta WEB foi posible grazas ao mecenado da Fundación Barrié e a RSC de Edisa Logo FBarrie Logo EDISA