Abrimos proceso de selección de persoal

As persoas interesadas en participar no proceso de selección para os postos de traballo ofertados xa poden enviar os seus CV

Abrimos PROCESO DE SELECCIÓN (Programas de Cooperación) para os seguintes postos:

• 1 Técnico/a de programa de captación activa e intervención en medio aberto (Vigo). CNO 2824
• 1 Técnico/a de programa de captación activa e intervención en medio aberto (A Coruña). CNO 2824
• 1 Técnico/a de comunicación externa e interna da entidade (Vigo). CNO 2922
• 1 Técnico/a de inserción laboral (apoio no Ciberemprego) (Vigo). CNO 3713

REQUISITOS DAS PERSOAS CANDIDATAS:

1.    Estar desempregadas e inscritas no Servizo Público de Emprego de Galicia como demandantes non ocupados, así como dispoñibles para o emprego.

2.    Non ter sido contratadas por un período igual ou superior a seis meses, con cargo ás axudas concedidas polas ordes da Consellería de Economía, Emprego e Industria (actual Consellería de Promoción do Emprego e Igualdade) do 9 de maio de 2019 (DOG nº 98, do 24 de maio: TR352C 2019), do 3 de agosto de 2021 (DOG nº 159, do 19 de agosto: TR352A 2021) e do 12 de xullo de 2022 (DOG nº 139, do 21 de xullo: TR352A 2022).

3.    Non ter traballado para a entidade beneficiaria durante máis de tres meses, dentro dos últimos doce meses anteriores á data de contratación que derive da orde, ou non ter traballado para a entidade beneficiaria durante os dous meses anteriores á devandita data de contratación.

4.    Tampouco poderán ser contratadas con cargo a esta Orde as persoas cónxuxes, ascendentes, descendentes e demais parentes, por consanguinidade ou afinidade, ata o segundo grao inclusive, das persoas que ocupen funcións directivas na entidade.

As persoas interesadas en participar neste proceso de selección deben enviar o seu CV ao email: erguete.pie@gmail.com, co posto e localidade ao que se presenta no ASUNTO, e con data límite o 24 de novembro (ás 14:00 horas).

As persoas candidatas que non sexan citadas antes do 30 de novembro non continúan no proceso de selección.

O contrato de traballo comezará antes do 10 de decembro de 2023.

Voltar