OFERTA DE EMPREGO

Buscamos un/a profesional con experiencia na coordinación e desenvolvemento de programas de inserción sociolaboral e de acceso ao emprego (especialmente os promovidos pola Xunta de Galicia como Plans Integrados de Emprego)

Será responsable da coordinación e desenvolvemento da participación da nosa entidade nun Programa Integrado para o fomento da empregabilidade.

FUNCIÓNS

• Analizar o perfil profesional de cada participante e elaborarlle a cada un/ha deles/as un itinerario personalizado de inserción
• Captar, analizar e xestionar as ofertas de emprego
• Levar a cabo a prospección de empresas que resulten potenciais empregadoras
• Realizar accións de información e formación que contribúan á adquisición de competencias profesionais e ao fomento da capacidade emprendedora
• Realizar as tarefas de carácter administrativo que resulten necesarias para o cumprimento das funcións propias do seu posto
• Actuar de xeito coordinado co equipo técnico da entidade, seguindo ás indicacións que se lle dean desde a dirección

REQUISITOS

• Experiencia en coordinación e desenvolvemento de programas de inserción sociolaboral e acceso ao emprego, en especial nos impulsados dende a Xunta de Galicia como Plans Integrados de Emprego.
• Experiencia en intervención con persoas en risco ou situación de pobreza ou exclusión social, en especial dende entidades do Terceiro Sector Social.
• Titulación universitaria do eido social e/ou de xestión de recursos humanos.
• Coñecemento da normativa e dos recursos sociais e de acceso ao emprego existentes
• CELGA 4
• Carné de conducir e vehículo propio, así como dispoñibilidade para viaxar.

DATOS BÁSICOS DA CONTRATACIÓN

• Incorporación inmediata
• Contrato ata decembro de 2023.
• Xornada completa. Tendo en conta que as actividades do programa poden desenvolverse en horario de mañá e tarde, o horario pode variar, respectándose as horas diarias que se estipulen no contrato.
• Lugar de trabajo: Vigo

As persoas interesadas poden enviar CV actualizado ao email funderguete@fundacionerguete.org, ata o 6 de maio de 2022 (incluído), co asunto “Selección integrado + nome e apelidos".

Voltar