Noticias
© FEI | 16/05/2017 | Proba de competencias clave N2 no C.P. A Lama. Sergio Cantalejo, avaliador, María Rodríguez, técnica Itinere, Emilia Lage, docente.
Proba oficial competencias clave nivel 2 no Centro Penitenciario A Lama
Quince persoas privadas de liberdade realizan a proba de competencias clave nivel 2 coa axuda da Fundación Érguete-Integración.
16/05/2017 | A Lama
Fundación Érguete-Integración levou a cabo a segunda edición do programa Competencias Clave N2, unha actividade académica na cal 15 persoas privadas de liberdade recibiron formación presencial desde o mes de febreiro ata o mes de maio. Durante as sesións formativas cursaron Lingua Galega, Lingua Castelá e Matemáticas.
O pasado 15 de maio, os nosos alumnos e alumnas examináronse dentro do Centro Penal, nunha convocatoria específica para este grupo, ao non dispor de liberdade para realizar as probas na data oficial para a nosa Comunidade Autónoma, o pasado 13 de maio. A proba deu comezo ás 10:30 da mañá, dispondo dunha hora para realizar cada exame. Acompañaron ao grupo o avaliador, a súa docente e a súa titora.
A finalidade desta actividade é facilitar o acceso á formación ocupacional con Certificado de Profesionalidade a un grupo de persoas penadas sen o título en Educación Secundaria Obrigatoria.
Arquivada en:
Que facemos > Programas | Proxectos | Servizos Actuais > PROGRAMAS > Itínere