© FEI | 29/11/2023 | Mulleres con Historia: As mulleres no mundo da música

As mulleres crean música

Hoxe en Mulleres con historia imos dar visibilidade ás mulleres dentro da industria musical

Neste novo Mulleres con Historia, queremos visibilizar ás mulleres da industria musical, especialmente da música clásica ou sinfónica. As diferencias entre homes e mulleres nesta industria son abismais: as mulleres están discriminadas, subrepresentadas, con soldos inxustos…

Aínda que pensemos que hai unha gran cantidade de mulleres na música, as cifras que recollen as organizacións e medios de comunicación, falan dunha división do 70% de homes e o 30% de mulleres. Nos Estados Unidos, unha das potencias no mundo da música, só un 15% das discográficas son propiedade maioritaria de mulleres.

• Entre a lista de cancións máis populares dos últimos anos só o 22% foron interpretadas por mulleres e o 12% creadas por compositoras.
• As compositoras rexistradas en Europa non suman apenas un 20% do total. De feito, na industria do cine, as mulleres compositoras para películas sitúanse entre o 2% e o 3%.
• De entre tódalas obras que se tocaron nos concertos das grandes orquestas de música só o 2,3% compuxéronse por mulleres.
• A cifra de mulleres directoras de orquesta non supera o 10% a pesar do crecemento cuantitativo e cualitativo de profesionais da música.
• A nosa intención hoxe é visibilizar algunhas destas grandes artistas e profesionais.

 

DIRECTORAS

Alondra de la Parra. Mexicana. Directora musical da Orquesta Sinfónica de Queensland. Dirixiu máis de 70 orquestas en todo o mundo.

Marin Alsop. Estadounidense. A cargo da Orquesta Sinfónica de Baltimore e da Orquesta Sinfónica de Sao Paulo.

Ligia Amadio. Brasileira. Primeira muller en ocupar a dirección da Orquesta Filarmónica de Montevideo. Dirixiu numerosas orquestas como a Orquesta Nacional de Brasil.

Mirga Grazinyte-Tyla. Lituana. Directora da orquesta da prestixiosa compañía austríaca do Salzburger Landestheater. Tamén dirixe a Orquesta Sinfónica da Cidade de Birminham.

Inma Shara. Española. Primeira muller en dirixir un concertó no Vaticano, durante o concerto de celebración do 60º aniversario da Declaración Universal dos Dereitos Humanos.

Shi-Yeon Sung. Sur-coreana. Primeira muller en ocupar os postos de directora asociada na Orquesta Sinfónica de Seúl e de directora asistente na Orquesta de Boston.

 

COMPOSITORAS

Anne Dudley. Bandas sonoras máis famosas: 'Full Monty', 'Los Miserables', 'American History X', 'Elle'. Gañadora dun Oscar e tres veces nominada aos BAFTA.

Mica Levi. Bandas sonoras máis famosas:'Jackie', 'Under The Skin'. Nominada a un Oscar e dous premios BAFTA.

Rachel Portman. Bandas sonoras máis famosas: 'Nunca Me Abandones', 'Chocolat', 'Emma'. Gañadora dun Oscar e un Emmy. Nominada aos Oscars en tres ocasións, unha aos Globos de Ouro e dous aos  BAFTA.

Deborah Lurie. Bandas sonoras máis famosas: 'Querido John', 'Footloose 2011', 'Charlie y la Fábrica de Chocolate', 'Dreamgirls', 'Coraline'.

Lisa Gerrard. Bandas sonoras máis famosas: 'Gladiator'. Nominada a un Oscar e gañadora dun Globo de Ouro.

Pinar Toprak. Bandas sonoras máis famosas: 'Krypton', 'Fortnite' (videoxogo) e 'Capitana Marvel'

Voltar