O Programa Incorpora, que leva en funcionamento máis de 15 anos, procura a inserción laboral de persoas en risco ou situación de exclusión social a través da intermediación das entidades colaboradoras de cada territorio, encargadas de establecer convenios con empresas e asociacións empresariais que buscan incorporar persoal. Ademais, o programa ofrece aos usuarios e usuarias a posibilidade de realizar diversas formacións para potenciar as súas competencias sociais e laborais, prácticas en empresas para facilitar a entrada ao mundo laboral ou asesoramento para persoas emprendedoras, entre outras cuestións. Deste xeito, os e as técnicas de inserción laboral de cada entidade ocúpanse de estudar o mercado laboral, identificar potenciais empresas contratantes e, por suposto, acompañar ás persoas beneficiarias ao longo de todo o proceso de inserción laboral.