© FEI | 25/05/2023 | Realízase a avaliación das competencias clave no C.P da Lama- maio 2023

14 persoas internas no C.P. A Lama examínanse de competencias clave

Este 22 de maio no Centro Penitenciario da Lama (Pontevedra), tivo lugar a proba de avaliación das Competencias clave nivel 2. Para a realización da mesma, desprazáronse ata o centro a Xefa de Servizo de Acreditacións das Cualificacións Profesionais e persoal do Instituto Galego das Cualificacións.

Acudiron a esta convocatoria especial 14 internos e internas das 17 persoas matriculadas inicialmente. A primeira proba comezou puntualmente ás 15:00h, finalizando o proceso ás 19:00h da tarde.

Nunhas semanas terán as súas cualificacións e con moita ilusión esperamos que a gran maioría dos alumnos e alumnas superen as tres competencias clave e poidan mellorar o seu perfil de empregabilidade a través dos Certificados de Profesionalidade que ofrece o Centro Penal. 

Desde o programa ITINERE queremos felicitar ao alumnado desta actividade, polo esforzo realizado desde o mes de febreiro, a constancia e as horas de estudo. 

Voltar