Esta semana tivo lugar a clausura do Proxecto Dana na sede da Fundación. Acompañounos en representación da Deputación de Pontevedra, Sandra Bastos, Deputada de Igualdade e Benestar social.

 

Nun acto moi emotivo, as participantes expresaron como se foron sentindo ao longo destes meses de traballo e tamén realizaron unha demostración da súa evolución na área da defensa persoal. Ademais da entrega de diplomas, a Deputada fixo entrega dunha bolsa de obsequios a cada participante (libro, libreta, botella de cristal..)

 

Para nós é un pracer celebrar estes actos nos que podemos observar como se cumpren os obxectivos dos nosos proxectos: todas conseguiron crear ese espazo seguro e de apoio no que compartir experiencias. Con todo o ánimo para seguir levando a cabo proxectos tan importantes para nós coma este. Grazas a todas as participantes.