Cookies

Noticias 

© UNAD | 08/05/2023 | Estudio reducción de daños (UNAD)

Un estudo de UNAD plasma a necesidade de impulsar políticas e programas de redución de danos asociados ao uso e consumo de substancias

Deuse a coñecer con motivo do Día Internacional da Redución de Danos, celebrado cada 7 de maio

07/05/2023

UNAD, a Rede de Atención ás Adiccións, deu a coñecer este venres coincidindo co Día Internacional da Redución de Danos, que se conmemora cada 7 de maio, o estudo titulado ‘Reducción de daños en el siglo XXI. Fase I Diagnóstico’.

O obxectivo é describir as necesidades actuais dos servizos e programas de redución de danos en España, así como poñer de manifesto os diferentes aspectos de mellora que se necesitan para adaptar a redución de danos ás características dos novos consumos.

Para levalo a cabo empregouse unha metodoloxía cualitativa e descritiva baseada nunha poboación diana representada por persoas que utilizan actualmente os servizos e programas de redución de danos.

Entre as conclusións destaca o impacto histórico do modelo punitivo no cal contribuiu á construcción do imaxinario social da persoa usuaria como delincuente, enferma e responsable da súa propia situación. Ademais, a investigación alenta á incorporación do modelo de xustiza social con especial énfase no enfoque de interseccionalidade e sinala como esencial ter en conta as opresións e vulnerabilidades relacionadas cos diferentes eixos de desigualdade (sexo-xénero, idade, raza, país de orixe…).

O documento tamén mostra que a redución de danos debe ter en conta a saúde para atender e acompañar; a vivenda debido ao incremento das persoas que empregan substancias en situación de senfogarismo; o plano afectivo para tratar as desigualdades; e as violencias, xa que as persoas usuarias son vítimas de múltiples de elas.

Asimesmo, exponse a grave desigualdade na distribución de recursos entre territorios urbanos e rurais e a necesidade de elaborar un mapa de recursos estatal de redución de danos, inexistente na actualidade, así como a importancia de reducir o asistencialismo e promover redes de apoio comunitarios e coidados colectivos.

O traballo aborda tamén as características das persoas usuarias de substancias, o patrón de consumo e o contexto social onde se enmarcan.

As persoas interesadas en consultar o documento completo poden facelo aquí.

Arquivada en:
Infórmate > Noticias