A Fundación Érguete-Integración participará, no Seminario de formación sobre os retos á atención integral das adiccións en España os días 13 e 14 de decembro de 2016 no PNsD (Plan Nacional sobre Drogas).

A Asociación de Técnicos para o Desenvolvemento de Programas Sociais (ADES) en colaboración co Plan Nacional sobre Drogas está a organizar o Seminario de formación sobre os retos á atención integral das adiccións en España que terá lugar os días 13 e 14 de decembro de 2016 no PNsD (Plan Nacional sobre Drogas) en Madrid. Adela Uriz responsable do Programa Sísifo, foi convidada a participar na MESA II: Procesos asistenciais (II): ITINERARIOS TERAPÉUTICOS ESPECÍFICOS, que terá lugar o día 13 de decembro pola mañá. Na devandita intervención, explicará a súa experiencia profesional e a do seu equipo sobre o itinerario que se segue no programa Sísifo para a atención de drogodependentes.

Voltar