Cookies

Noticias 

© FEI | 18/05/2023 | Mesa informativa no local do Programa Sísifo na cidade de A Coruña con motivo da Semana Europea da Proba

Fundación Érguete súmase á Semana Europea da Proba Rápida

Con campañas de cribado e mesas informativas en todas as nosas instalacións 

18/05/2023

A Semana Europea da Proba é unha campaña que anima a organizacións sen ánimo de lucro, a institucións políticas e á comunidade que traballa co coidado da saúde en xeral para unir forzas na difusión, sensibilización e promoción da concienciación nos beneficios de realizar probas temperás de VIH, Hepatite e outras ITS.

Esta iniciativa progresou dende o seu inicio no 2013 e creceu ata ser un acontecemento europeo amplamente recoñecido e con centenares de organizacións participando cada ano.

Este ano na Fundación Érguete para conmemorar esta semana e contribuír a achegar a prevención, o diagnóstico e o tratamento do VIH, Hepatite e demais ITS, realizáronse campañas de cribado e dispuxéronse mesas informativas en todas as instalación nas que traballa o Programa Sísifo (Vigo, A Coruña e Marín) durante toda a semana.

Dende o programa recordan que para todas as persoas interesadas en realizar estas probas (VIH e VHC) SEMPRE poden solicitalas na Fundación e realizaranse de maneira GRATUÍTA, ANÓNIMA E CONFIDENCIAL. Para recibir máis información, podedes contactar no teléfono 698 119 803 ou no correo electrónico sisifo@fundacionerguete.org

Arquivada en:
Infórmate > Noticias
Que facemos > Programas | Proxectos | Servizos Actuais > INTERVENCIÓN SOCIAL > Sísifo