Cookies

Noticias 

© NASA | 17/08/2020 | Margaret Hamilton

Margaret Hamilton, a muller que asegurou o éxito da aluaxe do Apolo 11

17 de agosto de 1936 en Paoli, Indiana, Estados Unidos

17/08/2020 | Estados Unidos

Margaret Hamilton naceu o 17 de agosto de 1936 en Paoli, Indiana, Estados Unidos. En 1958 licenciouse en matemáticas con diplomatura en filosofía e, aínda que desexaba seguir estudando, deixouno temporalmente para traballar como profesora nun instituto para que o seu marido puidera rematar a carreira en Harvard. Así e todo, co tempo chegou a estudar matemáticas abstractas.

En 1960 a súa vida daría un xiro cando entrou a traballar no Departamento de Meteorología do Instituto Tecnolóxico de Massachusetts (MIT). Alí, foi unha das encargadas de deseñar un software que predecía o tempo empregando ordenadores.

Máis tarde, incorporouse a un proxecto que naceu para predecir o clima pero que rápidamente pasou a ser de propiedade militar. Tratábase do proxecto SAGE e consistía en buscar avións inimigos no espazo aéreo norteamericano

A raíz do éxito deste proxecto, Hamilton uníuse ao Laboratorio Charles Stark Draper do MIT, que traballaba no Programa Apolo. Grazas aos seus vastos coñecementos en programación, xunto ao seu equipo foi a encargada de deseñar parte do software que facía funcionar o módulo de mando e o módulo lunar. Este proxecto foi deseñado para a detección precoz de erros e priorizar funcións imprescindibles, o que posteriormente permitiría ao Apolo 11 aterrar na lúa pese a ter sufrido un fallo.

Hamilton foi unha pioneira na programación, aprendeu linguaxes informáticas de forma autodidacta, axudou a crear as bases da programación e da enxeñería de software (termo que acuñou ela mesma, entendendo que esta era unha nova rama da ciencia) e cofundou dúas empresas, Higher Order Software e Hamilton Technologies. Ademais, continúa animando ás nenas e mozas a estudar carreras científico-técnicas.

Arquivada en:
Infórmate > Noticias
Que facemos > Programas | Proxectos | Servizos Actuais > IGUALDADE > Mulleres con historia