Infórmate > Noticias 

Noticias 

Isabel Allende, na cima da literatura mundial
Compartir en Facebook Compartir en Twitter

01/08/2019

1 de 1

A recoñecida escritora Isabel Allende naceu un 2 de agosto de 1942 en Lima, Perú. Filla de Tomás Allende, primo irmán de Salvador Allende e funcionario diplomático de Chile pronto a súa nai, Francisca  Llona, "dona  Panchita," anulou o seu matrimonio con el (en 1945) e regresou a casa do seu pai en Chile xunto cos seus tres fillos pequenos. Tempo despois a súa nai uniuse a un diplomático, o que fixo que Isabel crecese viaxando entre países como Bolivia e Beirut e asistindo a escolas privadas anglosaxoas.

 

A finais dos 50 a familia regresou a Chile e xa por aquel entón Isabel comezara a súa andaina profesional, xa que desde os 17 anos estudou, traballou e formouse como xornalista en distintos medios. Foi ao volver cando coñeceu ao seu primeiro esposo Miguel Frías. Tamén nesta época comeza a traballar para a FAO ( Food and Agriculture Organization) das Nacións Unidas, en Santiago de Chile ata 1965.


Con motivo do Golpe de estado do 11 de setembro de 1973 contra Salvador Allende e o inicio da ditadura de Pinochet, a familia tivo que fuxir de Chile en 1975 e exiliáronse en Venezuela, Caracas, onde ela comezou a súa produción literaria.

 

La casa de los espíritus, o libro que o cambiou todo
Un dos anos que marcaría a súa vida foi 1982, o da publicación do libro que a catapultaría á fama e ao recoñecemento como escritora: La casa de los espíritus. Este libro causou unha revolución, con gran acollida entre público e crítica que a enxalzou e consagrouna como unha das grandes escritoras  hispanoamericanas. A obra converteuse nun best- seller en moitos países, sendo comparado en numerosas ocasións con Cien años de soledad, de Gabriel García Márquez. Ademais, anos despois, en 1993, volvería ter un segundo boom coa adaptación cinematográfica de  Bille  August protagonizada por  Meryl  Streep,  Glenn  Close, Jeremy Irons, Winona  Ryder e Antonio Banderas. A obra narra o que lle sucede a unha saga familiar durante catro xeracións e está baseado en recordos e vivencias da propia escritora.


Todo o vórtice que seguiu a este éxito fixo que terminase o seu matrimonio en 1987, do que naceron dous fillos: Paula -que falecería vítima de  porfiria, en 1992- e Nicolás. Logo casaría cun avogado estadounidense (do que se divorciou recentemente) e trasladaríase a vivir a  California.


Outras obras destacadas da autora durante a súa extensa carreira son Eva Luna (1987), El plan infinito (1991), Paula (1994) sobre a morte da súa propia fija; Afrodita (1998), Hija de la fortuna (1999), Retrato en sepia (2000), La ciudad de las bestias (2002) ou Más allá del invierno (2017).


Con millóns de libros vendidos en todo o mundo (estímase que máis de 70), traducións a máis de 25 idiomas e decenas de recoñecementos en todo o mundo; Isabel Allende converteuse en todo un referente da literatura que está considerada como a escritora máis lida en lingua española.

Arquivada en:

Infórmate > Noticias
Que facemos > Programas | Proxectos | Servizos Actuais > IGUALDADE > Mulleres con historia

MATERIAIS RELACIONADOS
Noticias
Boletín

Mantente informado/a

Recibe o noso boletín

Máis info

  • SEDE PRINCIPALVIGO

    Avda. Martinez Garrido 21, interior
    36205 Vigo (Pontevedra)
     

    986 253 176

  • CALOR-CAFÉ A CORUÑA

    Barrio de las Flores
    Rúa Azahar bloque 48, portal 10-baixo
    15008 A Coruña

    881 896 801

  • O desenvolvemento desta WEB foi posible grazas ao mecenado da Fundación Barrié e a RSC de Edisa Logo FBarrie Logo EDISA