Infórmate > Noticias 

Noticias 

Ida B. Wells, a premio Pulitzer que loitou polos dereitos das persoas afroamericanas e as mulleres
Compartir en Facebook Compartir en Twitter

16/07/2020 | Estados Unidos

16 de xullo de 1862 en Holly Springs, Mississippi (Estados Unidos) - 25 de marzo de 1931 en Chicago, Illinois (Estados Unidos)

1 de 1

Ida B. Wells foi unha xornalista e activista abanderada da loita contra o sexismo, o racismo e a violencia e posicionouse a favor dos dereitos das persoas afroamericanas e das mulleres. Este 2020, case 90 anos despois da súa morte, foi recoñecida co premio Pulitzer.

Ida B. Wells naceu en Mississippi, Estados Unidos, no seo dunha familia escrava que foi liberada seis meses despois do seu nacemento. Toda a súa vida estivo marcada polos prexuizos e discriminacións raciais.

Fíxose activista despois dun episodio vivido en 1884, cando comprou un billete de tren en primeira clase pero a tripulación ordeoulle cambiar de vagón. Ela opúxose e foi forzada a abandoar o tren. Desafiando á orde social, Wells denunciou á compañía, pero finalmente perdeu o caso.

A raíz deste suceso, Wells comezou a escribiu en varios xornais sobre os problemas raciais e políticos nos estados do sur de Estados Unidos e, mentres, seguíu a dar clases nun colexio público segregado.

Tras outro tráxico suceso polo linchamento de tres homes, Wells iniciou unha campaña para denunciar o linchamento de persoas afroamericanas e levou as súas protestas polos estados do sur, poñendo a súa vida en perigo e chegando a ser ameazada de morte.

Tamén estableceu varias organizacións polos dereitos humanos e en 1896 creou a Asociación Nacional de Mulleres de Cor. Ademais, loitou polo sufraxio feminino. Wells faleceu o 25 de marzo de 1931 en Chicago, Illinois, por unha enfermidade no ril. Este ano 2020 foi recoñecida finalmente co premio Pulitzer polo seu traballo reportando os horrores e a violencia contra as persoas afroamericanas durante a época do linchamento.

Arquivada en:

Infórmate > Noticias
Que facemos > Programas | Proxectos | Servizos Actuais > IGUALDADE > Mulleres con historia

MATERIAIS RELACIONADOS
Noticias
Boletín

Mantente informado/a

Recibe o noso boletín

Máis info

  • SEDE PRINCIPALVIGO

    Avda. Martinez Garrido 21, interior
    36205 Vigo (Pontevedra)
     

    986 253 176

  • CALOR-CAFÉ A CORUÑA

    Barrio de las Flores
    Rúa Azahar bloque 48, portal 10-baixo
    15008 A Coruña

    881 896 801

  • O desenvolvemento desta WEB foi posible grazas ao mecenado da Fundación Barrié e a RSC de Edisa Logo FBarrie Logo EDISA