© FEI | 21/12/2015 | Momento do acto de entrega de diplomas de formación ocupacional 2016

Celebración do acto de entrega de diplomas da formación ocupacional de 2016

O martes 20 de decembro celebrouse na Fundación a entrega de diplomas dos cursos de formación ocupacional levados a cabo durante o ano 2016.

Neste acto entregáronse os diplomas dos cursos do Punto Formativo Incorpora nas especialidades de Axudante de Catering, Limpeza de cristais e superficies de inmobles e Axudante de Panadaría, así como do curso de Peón de Xardinaría enmarcado nas actividades de Inclusión Social.

En total formáronse 90 persoas e cabe destacar que entre estes participantes asináronse 45 contratos de traballo. Toda a formación conta con prácticas non laborais, xa que son un elemento fundamental no proceso formativo, de contacto co mercado laboral e de aprendizaxe, para iso  se realizáron 35 convenios con empresas.

Ao acto acudiron, ademais dos alumnos e alumnas que recollían os seus diplomas, a nosa presidenta Carmen Avendaño, representantes do CP A Lama e do CIS de Vigo, as organizacións empresariais coas que colaboramos na formación, algunhas empresas nas que o alumnado realizou as súas prácticas, docentes, persoal de entidades colaboradoras e persoal técnico da nosa Fundación.

Aproveitamos este espazo para felicitar a todo o alumnado e enviarlles os nosos mellores desexos para o seu proceso de inserción laboral.
 

Voltar