Cookies

Noticias 

© FEI | 16/09/2020 | Emilia Pardo Bazán

Emilia Pardo Bazán, a literata aristocrática defensora da figura da muller

16 de setembro de 1851 na Coruña - 12 de maio de 1921 en Madrid

16/09/2020 | A Coruña

Emilia Pardo Bazán naceu na Coruña en 1851 no seo dunha familia aristocrática. Anos máis tarde, foi recoñecida co títutlo de condesa de Pardo Bazán, que lle outorgou Alfonso XIII pola súa aportación á literatura ao longo da súa vida.

Xa dende nena tivo gran liberdade e foi unha ávida lectora, o que lle levaría a ser autodidacta no mundo literario e nos idiomas. Casou con José Quiroga, co que tivo tres fillos, foi unha tenaz defensora dos dereitos da muller e a súa vida foi moi rica cultural, literaria e socialmente.

Foi unha autora naturalista moi prolífica en moitos estilos. Así, escribiu poesía, ensaio, artigos xornalísticos, libros, crónicas de viaxes, contos e obras dramáticas. O seu berce aristocrático e as súas ideas feministas fixeron dela unha persoa peculiar, xa que avogaba por resolver os problemas sociais e rexenerar a sociedade española pero non por modernizar institucións tradicionais como a Igrexa, a monarquía e a nobreza: "A clave da nosa rexeneración está na muller, na súa instrucción, na súa personalidade, na súa conciencia".

Pertenceu á Real Academia Galega dende a súa fundación, foi a primeira muller catedrática da universidade española e a primeira muller socia do Ateneo de Madrid. Sen embargo, pese a tentar en tres ocasións entrar na Real Academia da Lingua Española, faleceu en 1921 sen conseguilo.

Emilia Pardo Bazán é considerada a mellor novelista española do século XIX e unha das escritoras máis destacadas da historia literaria do país, segundo mantén a Biblioteca Virtual Miguel de Cervantes. Coa súa obra e vida puxo de manifesto a capacidade da muller para ocupar na sociedade os mesmos postos que o varón, sen renunciar ao específicamente feminino.

Arquivada en:
Infórmate > Noticias
Que facemos > Programas | Proxectos | Servizos Actuais > IGUALDADE > Mulleres con historia