© FEI | 04/05/2017 | Visita de miebros del CF Deportivo da Coruña ao CIS (Centro de Inserción Social)

O Deportivo da Coruña visita o Centro de Inserción Social (CIS)

A colaboración entre Fundación Érguete e o CF Deportivo da Coruña permitiu achegar ao C.I.S o programa educativo "Os Nosos Valores"

Grazas á colaboración entre a Fundación Érguete-Integración e o CF Deportivo da Coruña impartiuse no Centro de Inserción Social (C.I.S.) da Coruña o programa “Os nosos valores”. Esta actividade pretende transmitir os valores que hai detrás do deporte como o esforzo, o sacrificio e o compañeirismo, imprescindibles para a vida do Club.

A primeira parte do programa tivo lugar no CIS e consistiu nunha acción educativa a través da intervención de dúas ponentes María Gordo Perdiguera, xogadora do equipo A feminino do Deportivo, que compaxina a súa carreira deportiva cos seus estudos de psicoloxía; e José Manuel Ferreira Colmenero campión europeo de artes marcias na especialidade de Wushu.

Tamén estivo presente o conselleiro de área social do Deportivo da Coruña, Manuel Pita.

O programa continuará cunha visita guiada ao estadio de Riazor dun grupo de 25 usuarios da Fundación Erguete, hoxe xoves ás 18:00, e pecharase coa súa asistencia ao próximo partido, o domingo 7 de maio, onde o Deportivo enfrontarase ao Espanyol.

Voltar