Infórmate > Noticias 

Noticias 

Consuelo Álvarez, 'Violeta', a telegrafista defensora dos dereitos da muller e do proletariado
Compartir en Facebook Compartir en Twitter

24/07/2020 | Barcelona

24 de xullo de 1867 en Barcelona - 19 de xaneiro de 1959 en Madrid

1 de 1

Consuelo Álvarez Pool foi unha telegrafista de principios do século XX, unha acérrima defensora dos dereitos das mulleres e da clase obreira que exerceu como xornalista baixo o pseudónimo Victoria.

Naceu en Barcelona o 24 de xullo de 1867 no seo dunha familia burguesa republicana. Con 18 anos quitou o exame de telegrafista pero non exerceu ata moitos anos despois. Debido ás necesidades económicas da familia, a súa nai casouna co mecánico Bernardo Azcarate, co que tivo catro fillos (dous dos cales faleceron de cativos).

Comezou a traballar como telegrafista en 1908 e a súa contratación formalizouse cando, ao ano seguinte, conseguiu praza tras aprobar a oposición. Foi unha muller comprometida e progresista, que estivo en contacto coa realidade obrera e colaborou con varios xornais, entre eles o diario republicano-progresista El País. Como outras escritoras da súa época, ocultouse tras un pseudónimo, Violeta, e entendeu o xornalismo non só como un vehículo para contar as cousas, senón tamén como unha ferramenta con finalidade educativa, moralizadora e revolucionaria.

Formou parte do gabinete de prensa de Telégrafos e foi membro do Ateneo de Madrid e do seu Grupo Feminino, no que defendeu a súa ideoloxía progresista e os dereitos das mulleres: capacidade de emancipación, voto feminino e acceso ao divorcio, a unha educación de maior calidade e a oficios ata entón reservados aos homes. Ademais, foi a primeira muller en formar parte da Xunta Consultiva de Telégrafos, en 1931.

Consuelo Álvarez pertenceu á primeira promoción de mulleres telegrafistas de España, como a sufraxista Clara Campoamor, coa que compartiu profesión, ideales e amizade. Consuelo Álvarez faleceu o 19 de xaneiro de 1959 en Madrid.

Arquivada en:

Infórmate > Noticias
Que facemos > Programas | Proxectos | Servizos Actuais > IGUALDADE > Mulleres con historia

MATERIAIS RELACIONADOS
Noticias
Boletín

Mantente informado/a

Recibe o noso boletín

Máis info

  • SEDE PRINCIPALVIGO

    Avda. Martinez Garrido 21, interior
    36205 Vigo (Pontevedra)
     

    986 253 176

  • CALOR-CAFÉ A CORUÑA

    Barrio de las Flores
    Rúa Azahar bloque 48, portal 10-baixo
    15008 A Coruña

    881 896 801

  • O desenvolvemento desta WEB foi posible grazas ao mecenado da Fundación Barrié e a RSC de Edisa Logo FBarrie Logo EDISA