© FEI | 18/05/2020 | Infografía sobre o uso do Ciber Emprego na crise polo Coronavirus

O Ciber Emprego reabre o luns 25 con novas normas ante o Covid-19

Limitará o aforo, o tempo de uso e os ordenadores dispoñibles e será obligatorio lavar as mans e usar máscara

O servizo de Ciber Emprego da Fundación Érguete-Integración reanudará a súa actividade o próximo luns, día 25 de maio, aínda que establecerá un novo protocolo de uso durante a crise sanitaria polo Covid-19.

En concreto, coas novas normas e medidas establecidas o aforo será de 8 persoas á vez, o tempo de uso do ciber restrínxese a 1 hora máximo, será obligatorio o uso de máscara e será obligatorio lavar as mans ou empregar xel hidroalcohólico ao chegar e ao marchar.

Ademais, para manter a distancia de seguridade, limitarase o uso dos ordenadores dispoñibles. Así, nos días impares poderanse empregar os ordenadores 1, 3, 5, 7, 9, 11, 13 ou 15. Mentres, nos días pares poderanse empregar os ordenadores 2, 4, 6, 8, 10, 12 ou 14.

Por outra banda, tamén estableceranse medidas en todo o local da Fundación, polas que será obligatorio limpar as mans con xel desinfectante (para o que haberá dispensadores dispoñibles) e será recomendable o uso de máscaras.

Voltar