Servizo de información e asesoramento a persoas demandantes de emprego
Servizo no que se informa ás persoas demandantes de emprego sobre o seu potencial laboral, ofrecéndolle asesoramento na procura de emprego, así coma un abanico de ofertas formativas para facilitar a súa inserción no mundo laboral.
A Consellería de emprego e igualdade desenvolve un sistema de orientación laboral baseado na información, orientación e procura activa de emprego, para mellorar a ocupación das persoas desempregadas. Ademais da rede de Oficinas de Emprego da Consellería, existe unha rede de persoal orientador en entidades colaboradoras, seleccionadas a través dunha Orde de convocatoria anual.
Obxectivos
Os obxectivos que definen as accións de orientación profesional son:
Orientar e informar ás persoas demandantes de emprego sobre o seu perfil profesional
Actualizar e activar o curriculum vitae de cada demandante
Optimizar a oferta formativa existente
Compatibilizar a demanda da persoa coa oferta existente
Ofrecer un sistema áxil de información que permita coñecer as persoas usuarias, o seu nivel de cualificación e o seu potencial laboral